పల్లవి: నవ్వులు చరితై పోయాయా?
కన్నీరు భవితగ మిగిలిందా?
లేలేత పెదవుల లాలనతో
జగాన నిలిచే యోగమె నాకు
ఉందో లేదో చెప్పవోయి తెలుగోడా
చరణం: కమ్మని మాధుర్యం పంచుతాను నేనంటే
వద్దను దారిద్ర్యం పెరిగిందిగ నా ఇంటే
బుడిబుడి అడుగులతో వామనుడై ప్రతివాడు
శిరసును చూపంటూ తప్పటడుగులే వేస్తుంటే
కాంతితో వెలిగే అమ్మల కన్నుల సాక్షిగా
భ్రాంతితో మురిసే నాన్నల ఆశల సాక్షిగా
అంపశయ్య పైనుండి అడుగుతుంటి ఈ మాట ll నవ్వులు ll
చరణం: చులకన మాటలతో చేస్తుంటే సన్మానం
విలువే లేదంటూ చేస్తుంటే ఛీత్కారం
గతాన్ని నేమరేస్తూ నింపుకుంటి క్షీరధార
ఉగ్గును పడుతూనే పాపల నోట పసిపాపగ పుట్టాలని
జ్వాలగ రగిలే సుకవుల ఆత్మల సాక్షిగా
మూల్గుతు కుమిలే సాహితి సుమాల సాక్షిగా
అత్యాశని తెలిసినా అడుగుతుంటి ఈ వరం. ll నవ్వులు ll********
