శిద్దాని భావగీతాలు

పల్లవి:      రాలే చినుకులనూ లెక్కిద్దాం

              నవ్వే చుక్కలతో హెచ్చిద్దాం

              అంతకు రెట్టింపూ ఊహలు మావంటూ

              ఇంపుగ చెప్పేద్దాం లోకాన్నూరిద్దాం

చరణం:    ఎగిరే గువ్వను ఆపి

             ఎగిసే హృదయం ఇచ్చి

             నింగిని నేలను కలిపే

             ఇంద్రచాపం అల్లేయమందాం

            పారే ఏటిని చూస్తూ

            పాడే పాటను నేరుస్తూ

            గలగల మంటూ నవ్వేద్దాం

            గాంధర్వాలను పాడేద్దాం                           ll రాలే ll

చరణం:   తుమ్మెద రెక్కల తేరులపై

             పసి పెదవుల నవ్వును నింగికి చేర్చి

             నెలవంకను జతగా చేద్దాం

             నిండు జాబిలిగ మార్చేద్దాం   

             మధురోహలతో మనసును శృతి చేసేయ్

             పొంగే మధువును అందరి పాలు చేసేసేయ్

                అసలు అమృతమే అదని చాటేసేయ్              ll రాలే ll
                             *******